قصة النهاردة عن بنت اسمها الهام توفي والدها ووالدتها في حادث وكان عندها خمس
اخوات وكل اللي حواليهم ما قصرش معاهم في حاجة بس الأم حاجة تانية .
وابتدت مرات عمي اللي هى خالتي بجانب عمي طبعا يهتموا بينا أوي كان عندهم ست
أولاد واحنا كنا خمسة واتقدم لأختي الكبيرة ابن عمها فسألها عمي وقال لها هنعمل لك
فرح كبير ردت عليه وقالت له بعد أمي وأبويا مفيش فرحة فتقدم الولد واتجوزت أختي
بحفلة عادية بس بالأمانة جوزها طلع كويس جدا وكان حاططها في عنيه ومقصرش
معاها في أي حاجة وقضت شهر العسل في السفر معاه في أماكن مختلفة واتبسطت جدا
ورجعت الحمدلله نفسيا أحسن , عمي ابتدى يخطب لبقية أولاده من أخواتي وفضلت أنا
اخر واحدة وبعد ما خلصت الجامعة اتقدم لي ابن عمي والحمدلله كتبنا الكتاب فسافر
وما اتصلش عليا فاستغربت منه لأنه ما كان يتصل ولا يسأل عليا زي بقيت أخواته ,
المهم اتجوزنا وقضينا شهر العسل فقال لي ايه رأيك نرجع شقتنا عند أهلى شقة فاضية
وأخواتي كلهم في نفس البيت وكل واحدة ليها شقتها الخاصة وأمه وأبوه لهم شقة
خاصة بيهم وبصراحة أنا اتبسطت بوجودي معاهم وهو يرجع لشغله وممكن يجي لي
مره واحدة في الشهر أو مرتين .
مرت سنة على جوازنا بصراحة ابتديت اتخنق من الوحدة وبعده جات لي شغلانة بمرتب
عالي بس اللي كان بيضايقني أنه عنده جفاء معايا في المعاملة واستغربت غموضه في
التصرفات وحتى مفيش مصروف كنت بصرف من المرتب بتاعي فقلت لنفسي كان لازم
أشوف حل كنا في شهر رمضان وجهزنا الفطار في حوش البيت الكبير اللي عايشين فيه
وأخذت بعضي وطلعت غرفتي أرتبها حسيت أني عندي فضول أمسك الموبيل بتاعه
أشوف اللي فيه مع الأسف لقيت عليه صور كثير وخروجات كثيرة في بلاد مختلفة
طلعت أجري عليه أوريه الصور دي فابتدى يضرب فيا ضرب قمة في الغباء ولحد ما
أغمى عليا وجسمي كله مفيش فيه حته سليمة واخواتي جنبي حاولوا يساعدوني أفوق
وأقوم من على الأرض ورمى عليا يمين الطلاق وانقهرت أوي منه ومن التصرف بتاعه
وبعد أسبوعين لقيت اخواتي جايين عندي وبيعاتبوني انتي غلطانه مكنتيش عملتي كده
وياريتك صبرتي وما كنتي فتشتي في موبايله . وروحت قعدت في بيت أختي قلت تكون
الاجازة خلصت وأروح لشغلي واتفاجأت لقيت جوزي داخل عليا بورد وهدايا وقعد
يعتذر لي كثير طبعا ده بالاتفاق مع أختي وجوزها بس أنا نفسي اتكسرت وضغطوا عليا
وقالوا لي قولي شروطك ورجعت له تاني وأعطاني 30 ألف ريال وفي الفترة دي طلع
اسمي في التعيينات الحكومية في منطقة قريبة واتوظفت وأخذ لي بيت أجره علشاننا
وروحنا قعدنا فيه ولقيته بيطلب مني أجيب له قرض من خلال شغلي ورفضت رفض
نهائي وأخذت القرار أدور على نفسي وأجيب طفل لعله يهديني ويهديه والحمدلله ربنا
أكرمني وجبت بنوته زي القمر لكن ولا حياة لمن تنادي وبعد أربع شهور حملت وجبت
البنت التانية وفجأة اتعدل معايا ومعاملته بقت زي الفل ولقيته بيعرض عليا أن البنك
يقسط فيلا ايه رأيك تاخديها وتكتبيها باسمك وبقسط شهري فلقيت الفيلا كبيرة وجميلة
جدا والحمدلله تمت كتابة عقد الفيلا واخذني لمطعم كبير وقعد يتكلم معايا خذي بالك انتي
عندك اخوات والدنيا مش مضمونة هيطمعوا فيكي انقلي الشقة باسمي والفيلا وأنا
هكتب لك الشيكات وامضي لك عليها وبرضوا مصممه على الرفض أخذت بناتي
والشغالة بعيد عنه وأحوالي المادية ضاقت دا واستحملتني الشغالة وقالت لي مفيش
مشكلة وأنجبت الطفل التالت وجه وليد ما شاء الله نور كل حياتي وحسيت بالبهدلة في
شكلي ولبسي وهو مابقيت أشوفه غير كل فين وفين وبقيت أدعي ربنا كثير وجه يوم ما في
الحسبان هو كان رجع للبيت و ساب الموبيل في البيت ولقيته بيرن افتكرت انه هو بيتصل من
موبيل خارجي أول ما رديت لقيت واحدة بترد عليا اتفاجئنا احنا الاتنين ببعض سألتني انتي مين
مش ده تليفون فلان قلت لها ايوه وأنا زوجته قعدت تصرخ وتشتم ازاي هو اتجوز ومن
امتى فجأة لقيت جوزي داخل من الباب وهو كان زعلان لأنه عنده مشكله في المرور
وحكيت له الموضوع ووقع من طوله وخاف وقعد يدعي عليا وخوفت يضربني قعدت
أفكر هو أنا ناقصني ايه علشان يتجوز عليا وراح هو عندها وسافر معاها لأماكن
ترفيهيه كثير علشان يبسطها وأخد لها شقة عند أهله واكتشفت أنها متجوزاه قبل مني
بسنتين ومعاهم ولد وقررت ما أتدخلش فيهم تاني وبكل بجاحه لقيته بيقول لي انتي من النهاردة مش في حياتي واحب اقولك انك بسبب تفتيشك ورايا
جبتيه لنفسك , وانفصلنا وعيشت لأولادي وبس وكبروا أولادي ودخلوا المدارس ودخلوا احسن كليات واتخرجوا وعشنا حياتنا الحمد لله بعيد الذل والمشاكل المستمرة
بقلم الكاتبة / سيدة حسن
إرسال تعليق