خيانة زوج في شكل ضحية (الجزء الثاني)
لقيت ان حماتي مهتمة بيا ومجهزة لي غرفة جميلة حتي ابني لقيت وزنه زايد وجميل
ويعرف يكتب ويقرأ،المهم مر أسبوع حسيت ألم شديد في رجلي وورمت رجلي جدا .
واتصلوا بالاسعاف وطلع عندي جلطة تانية في رجلي التانية واهتمت بيا حماتي وببنتي
وابني لدرجة ان الناس افتكروا أنها أمي راجعت نفسي في كل تصرفاتي .
وفجأة لقيت جوزي متغير لابيزورني ولا يسأل عني وطلعت من المستشفي علي بيت
حماتي وما طلعتش بيتي وبدأت التناقضات تظهر عكس اللي كان بيقوله علي أمه
واكتشفت اني زوجي هو اللي سئ ووالدته طيبة وبقيت أدور وراه علي كل المواضيع اللي
كذب عليا فيها وربي أراد يكشف لي حقيقته ،سمعته في مرة بيتاقش مع والدته في
موضوع ولما سألته بتقول الكلام ده علي مين ردت عليا ده بيتكلم عن مرات أبوه صدقيني
المهم خرجت من الغرفة وأنا زعلانة أوي من نقيض تصرفاته وفي مرة دخلت عليه لقيته
بيتكلم مع بنت بالفون ويتفق معاها علي الجواز حسيت الدنيا راحت مني كلها وخاصة لما
عرفت ان البنت شرطها الأساسي علشان تتجوزه انه يطلقني فقرر جوزي انه يتبلي عليا
ويشتكي مني وطلع تقارير طبية اني غير مؤهلة لتربية أولادي المهم اكتشفت ان أهله
طيبين جدا عكس اللي كان بيحكيه عليهم وقعدت أصلي وأدعي ربي أنه يبصرني
ويعوضني خير وفجأة لقيت أم زوجي جايبة ليا الفطار وداخلة وحسيت من كتر حنية
حماتي عليا اني عايزة أبكي وطلبت من حماتي انها تسامحني عن سوء ظني بها واني
سمعت كلام ابنك وعاملتك وحش فأخدتني الغرفة بتاعتها وطيبت خاطري فحكيت لها عن
موضوع ارتباطه بالبنت فقالت لي أنا عارفة وقاعدة له باراقبه في كل تصرفاته ابني من
يوم ما جه الدنيا مرة يشتكي مني ومرة يشتكي من أبوه وبينشر سمعة سيئة للكل لمصلحته
وانتي افتكرتك عاقلة وهتغييره لكن خذلتيني واتبعت شيطانه ونصيحتي لك لازم تنتبهي
لصحتك ونفسك شوية ومارسي رياضة وحاولي تخليه يشوفك بأحسن حال والحمد لله
تعافيت ورجعت أحسن من الأول صحة ولبس وشكل وقدرت اكسبه في صفي ورتبت لي
حماتي رحلة أنا وهو وقالت لي انبسطي والاولاد هيكونوا معايا ما تقلقيش عليهم واتحول
ابني وبقي مش بيرد عليه اذا اتصلت لقيت حماتي ردت عليها ابني سافر مع مراته يعيدوا
شهر العسل فابعدي عن ابني نهائي فاعتذرت البنت لام جوزي وحلفت لها انها مش ممكن
هتتكلم معاه تاني والحمد لله رجع زي الأول وأحسن بكتير .
العبرة من القصة اوعي تصدقي كلام علي حدالا لما تكوني متأكدة من صدقه وحاولي
تشوفي الصح والغلط بعينك علشان ماتبقي ظالمة اللي قدامك لأنك ممكن تتحملي شئ غير
ما يتحمله لأن كتير من الناس بتظلم بعضها من غير ما تتحري الصدق .
بقلم /الكاتبة سيدة حسن
إرسال تعليق